挖腳 Take 2

上年被人挖咗一吓，最後還是不了了之。

今年又被另一間公司挖，今次的仲要係國際級既大公司。

其實我現在既工作也算得上是過得去的，自從公司上年合併了以後，機會真的多了點點。加上唔洗再點做大粒既野，工作環境是有改進的。所以呢，都好興幸舊年的那間公司最後都決定不要我。

今年呢間公司既獵頭前三個星期前打黎我公司搵我，跟住我以為約左電話面試，但原來係真人面試，跟住再 email reschedule, 但係整整吓又無咗回音，咁我就算數啦，反正我都唔係真係好有轉工既意欲，不過佢打到黎，我諗住去睇吓有乜好路數啫，佢唔緊，我又唔緊，咁咪算囉。

咁我兩個星期前同大粒開會，大粒講講吓又講到離哂題，跟住講話而家我哋既兩大 competitors 就係公司A同公司B，聽到我個心定咗一吓，A就係舊年挖我嗰個，B就係今年挖嗰個，唔係咁橋吓話？

跟住lunch time 喺廚房見到大粒，我懶係想知多d市場情況咁問大粒，咁除咗A同B之外，我哋既competitor 仲有邊個，大粒話，我哋個department, 就主要係呢兩間，無乜其他，其他既唔係太細就係太渣，唔駛理佢哋。跟住大粒就好奇怪我無啦啦問d咁既嘢，由於講大話係唔啱既加上我臨場講大話既能力唔太高，咁我就話公司 A 挖過我，大粒聽到好似好 surprise 咁，又問係幾時既事，又問我有無見過佢哋，又問我我見過邊個．我都一一老實答咗，我係有見過面，但我真係唔記得我見過果兩個人叫乜．大粒然後又問咁仲有冇其他公司搵過我，我咪話有囉，佢當然又問係邊間，咁我咪答佢公司 B 囉，佢又問係幾時既事同有冇見過果度ｄ人，我就話係近排既事同冇，我冇見過果邊ｄ人，我只係同獵頭人聯絡過．

大粒聽完，話多謝我既 sharing．佢轉個頭一定係話咗俾我個 super 知，因為佢同一日就同我講話我哋係時候睇一睇我既事業發展方向．雖知道我個 super, 佢一直都唔理你既事業發展方向，就算公司合併咗之後年尾有個叫做事業發展計劃既 program, 基本上係上司同下屬坐埋一齊填個問卷，然後 discuss 一下未來一年既計劃，depending on 下屬既目標係乜，上司就會幫助你一步一步向目標進發．個 progrom 係 mandatory 既，咁我 super 做咗ｄ乜呢？咪就係同我填個問卷，disucss 咗一下，然後不了了之，一ｄ follow up都無．咁佢突然間咁積極，就一定係大粒同佢講過嘢．

我同大粒既對話大約係兩個星期前既事，當時真係一句大話都無講過．但如果佢今日再問我，我既答案就會唔同咗，因為我今個星期去咗 in．之前話公司 B 又無咗回音，以為佢 bye bye 我啦，但佢上個星期又搵我，終於今個星期見咗．佢哋好似好有誠意咁，anyway，誠意呢家嘢可以係扮架啫，加上我真係唔覺得我係佢哋想搵嗰類人，佢哋都未必要我．But as I was mentioning to 小笨，如果佢哋真係要我，我都唔知究竟去唔去好，我而家喺現在既公司都 ok 喎，我 super 係衰ｄ，但其他既都好好喎．我又 kinda of 去緊我想去既方向（當場完全係我自己爭取既成果，如果等我 super 幫我可以去死），如果我去到果邊，做既野可以話係完全唔同，即係要由頭 train 過，又要挨一輪先可以上番而家咁 independent 既位置．

But again, 可能人家不要我啦，還是不要太早發夢才好．

挖腳行動 take ２報導暫時告一段落，有新消息再算．