是時候了

上回挖腳講到見咗一次，等緊消息．佢明明話我去墨西哥之前會覆我，但到我走佢都未有反應，我 follow up，佢話我反黎既時候佢哋就會有個答案俾我，咁我返到黎再 follow up, 佢都只係話同高層傾緊ｄ細節，雖然聽落好似係想請我咁，但跟住之後又無咗回音．

然後終於喺一個星期後打電話黎話 offer 我，於是又同我攞 reference 同其他資料，同星期既星期五終於收到正式既聘請信同其他文件．

其實佢開既條件唔係真係咁好，只好 marginally 咁多咗少少人工．其他的福利有ｄ好有ｄ又無依家咁好，所以 it comes down to 工作性質同份工穩唔穩定．Anyway, after much consideration and talking to various frds and family members, 我決定走出去．

星期一返工司，諗住叫我上司同大粒一齊，咁我一齊通知佢哋兩個，唔㚥話我大細超，又唔駛我講兩次咁麻煩。點知大粒嗰日唔返，咁唯有剩係同上司講啦，佢聽到都好鎮定，問我走既原因係乜，我同佢講話我想試新嘢，佢就話其實想試可以喺同一間公司試，唔一定要走。Anyway, 佢話唔好彩大粒唔喺度，我唔可以親口同佢講，跟住佢話要打電話俾大粒，咁就放咗我出去。

我之後就同我同事講話我要走（無人知我要走，我諗第一個同上司﹠大粒講，對佢哋尊重d），我同事都有d surprised, 咁我同緊我同事講既時候，上司就走出黎，叫我入佢房再傾一傾。原來佢打咗就大粒，佢哋想出＄＄留我，我一早就估到佢哋會 counter, 但佢哋提出既數目真係令我好好好驚訝，好一個算好大既數目，我真係估唔到佢哋會出到咁高價，高到係新工完全比唔上咁高。由於個數目真係好吸引，我諗上司都見到我既動搖，佢 insisted 我唔好咁快下決定，諗吓留唔留低。

返埋位坐唔夠兩分鐘，大粒親自打電話黎，問我點解要走，又話佢要首先向我道歉，因為我之前話佢知被人挖腳既時候，佢係應該做d嘢，但係佢自己轉個頭又唔記得咗；我聽到佢話要道歉嚇死我，我即刻話上次只係咁啱開會既時候提起d公司名先至會講起，我唔係突登去講埋d咁既嘢去摶加人工。（d咁攻心計既嘢我真係做唔出，如果要做，早一兩年前幾個同事都叫我用辭職為要夾黎加人工，但我都無咁做）又話如果係＄＄既話可以商量，又話如果想轉崗位既話又得，跟住重話不如一齊出去食 lunch, 佢請咁話。真係嚇一大跳喎，我勁唔好意思啦，大粒嗰日明明話唔返工架嘛，我知道佢揸車返公係成九個寫架，唔係要佢咁特登出黎同我食 lunch 吓話，所以我即刻推咗佢，我同佢講話佢唔駛特登出黎，佢哋開既條件我會認真考慮。

嗰一刻，一來＄＄好吸引（尤其是我依家要供樓，份人工真係唔係好見洗），二來大粒真係超有誠意，加上去另一間公司有好多未知之數，新老細未必能夠好似大粒咁嘗識我，咁 value 我既存在，我真係十分之十五十六。

後來話咗俾詹占聽，佢話我鐘意點都會 support 我，the worse thing that would happen 係我去到嗰邊之後俾人炒囉，但佢話我哋兩人食一份人工同唔會死。我再諗諗吓，雖然個價錢真係好好吸引，但我想轉既原因本身就係因為想試其他野，想試新環境，我依家有機會轉，有能力轉，去試吓都好既，再老d想轉都轉唔到。

所以最後既決定就係懶清高，要人生經驗唔要＄＄。雖然喺好多人眼中，咁大舊錢唔要仲要走去一個完全唔熟既環境，仲要放棄 management 機會由低再做過可能好一件好蠢好蠢既事，連我自己都覺得有d蠢，但其實我一直都祈禱想要新工，我一直都搵緊政府工，但就一直乜都冇，而呢份工係佢自己搵上門，我唔知係咪神為我預備既一條路，但既然呢一扉門已經為我打開，我就走進去啦。

其實大粒真係唔話得，佢到咗我決定要走之後都叫我記住，如果我想返去佢都會歡迎我。我一直都話，雖然大粒唔算得係好好既 manager, 但佢個人真係唔錯。

是好是壞，要走進去才知道吧。祈求一切安好。