Renewed Drum Life

其實卑人自一月開始，已經斷斷續續咁學咗幾個月鼓喇．

之前咪講過話想學返既？咁好俾我搵到個喺屋企附近既私鐘，我覺得佢教得幾好丫，有耐性又唔會俾太多 pressure 我．啱哂我，尤其是我呢ｄ成人學生，有時唔係真係太多時間去練，

私鐘跟琴行最大既分別係私鐘 flexible 好多，要 cancel 既話只要早一日出聲就得，琴行好麻煩，幾個月一期，每期只可以唔知幾多次 cancel, 仲要係ｄcancel 唔係真係 cancel, 只係改期，你無得閒改期既時間既話，有ｄ琴行會食咗你ｄ學費，超唔抵．

我買咗一套 cheap cheap 既 beginner 電鼓喺屋企練，買電既原因係貪佢細少少，無咁阻地方，同埋練既時候可以戴 headphone，唔會嘈親人．

但唔知係因為我套嘢實在太 cheap，定係電既始終無真鼓ｄ聲咁好，老師嗰套鼓 (was just a 2nd hand cheap-ish set, according to him)，係好聽ｄ，同埋你打個位唔同既話ｄ聲又唔同，especially cymbol, 我嗰套打邊個住都差唔多，但老師個 cymbol 就會有唔同效果．

不過我都係唔好要求咁高住，玩住先啦，其實如果無比較，我嗰套ｄ聲都ｏｋ架，電既另一個好處係可以轉聲，可以由普通鼓聲變 funky 鼓，又可以變 bongo. 真的是很不錯的了．而家重要既係學得好ｄ先，如果唔係就會淪為嗰ｄ影相毫無技術可言，但副架餐就超勁嗰ｄ人．

學得都幾ｏｋso far, 但呢幾堂開始有ｄ難度，有時喺屋企又懶唔想練．

不可懶惰！