白走一趟

上星期四睇醫生，星期五reception小姐打電話來話醫生叫我返去一趟，但佢唔知為乜。以為d化驗有問題又或者做漏咗嘢之類。

於是book咗今日，一早去到，發現原來係一埸誤會，醫生係叫reception小姐 make sure 小 J下個月例行檢查，唔係要即刻覆診，阿車！洒哂我d時間，油錢，精神，同泊車錢。

不過醫生好好人，佢係新黎架，以前睇開嗰個走咗，呢個之前小J仲係分裂緊既時候見過一次，我同詹占都幾鐘意佢，所以由佢黎取代本身嗰個醫生我都好開心。

見醫生先生咁好人，一次半次咁既誤會我就寬宏大量唔同佢哋計較啦！