是機會，還是誤會？

我公司識得睇中文既人都應該唔知道我個 blog 既存在，所以都唔怕講。

前星期四，有獵頭公司打黎我公司搵我，我都覺得奇，邊解會知道我既存在。Anyway, 佢話佢本來幫 client 搵緊一個 geological engineer, 跟住我個名就好唔覺意咁俾佢知道左，亦知道左大約我既 skill set 係乜，知道可能佢會有 client 有興趣，所以問我，如果有好工，會唔會有意欲轉工。咁我當然話有啦，因為我真係有左呢個意欲好耐，但皆因我又懶又 picky，所以到今時今日都未轉到。

咁佢就叫我 send resume 俾佢同 answer some questions over email. 我上網 check 左佢哋個 website to make sure that it's legitimate，睇落去真係幾 legi 咁我就 send 啦，just to see what this will lead me to. 雖然我懷疑未必真係有公司對我有興趣，而係間獵頭公司想 enlarge their pool of candidate so that when a company is requesting a certain kind of ppl, they will just go to their pool and pick out the person that could be suitable. 雖然係咁，但我都難免覺得自己既 importance 突然擴大左幾十倍，有點沾沾自喜，被人挖角既感覺．

當然，轉唔轉公司，其實我既 ultimate goal 都係政府工，我ｄ咁既懶人，真係唔係好適合係 commercial 拼命，但都係時候轉吓環境，反正我都萌生去意萌左好耐．加上都係唔好沾沾自喜得太緊要，因為可能人哋真係 only wanted to expand the pool, 所以係唔係都叫人 send resume.

咁 anyway, 我上個星期就真係 send 左俾佢，跟住都無乜野，雖然我當然成日都希望有消息啦，但同時又要話俾自己知唔好太大期望，費鬼事失望．

上個星期二，佢真係又 contact 我，話咁啱真係有公司想請一個可能啱我既職位，嘩，我真係覺得自己中左頭奬，咁火速咁幫我安排左下個星期一 interview, 當然啦，只係 interview, 人家無話要請我，但都夠我開心咗成晚．

星期一 in 左一次，都ｏｋ啦，feel a little bit like an idiot just like any other interviews that I've done. 跟住個獵前尋日打黎叫我 second in, 因為我星期五會去 vacation 一個星期既關係，所以即刻約左今日，真係好快手．

今次見多一個人，係其中一個 associate, 都算幾大粒啦，haha... 佢哋話現時已經 narrow down 到我同另一個人，但另一個人未約到幾時 second, 所以我去 trip 之前都應該唔會知道結果．

轉個頭獵頭打電話黎，話佢哋都幾 impressed, 所以而家我同另一個人之爭就係間公司想將來既方向喺點，因為我既 skill set 同一般去 in 呢個位既人有少少唔同（其實咪就係因為我唔係讀呢行囉，d skill 雜過雜草，講得好聽就係 diverse, 唔好聽就係唔夠專），anyway, 已經唔到我去控制。

但係就算佢請我，我都係有d心大心細，無錯，係想轉工想左幾耐，而家個機會由個天度跌落黎，仲唔上等幾時？但呢間公司喺屋肥囉，仲遠過襪氏，in 我嗰個人話就算你搭 GO, 都仲要轉巴士，而d巴士係超爆密，走左既話就一定大遲到，佢都係 recommand 我揸車，但咁樣好違返我環保既宗旨。我有諗過夏天搭 GO, 然後踩車返公司（只係大約８公里，唔算遠），但冬天就真係可能要日日揸車，雖然我其實係鐘意揸車既，但都總係覺得又洒油錢又唔環保，真係好難受。

不過如果佢話請我，我應該會接受，話哂我都喺而家間公司做左足足三年，都係時候轉吓環境，雖則話公司將會合併（唔怕話埋你哋知），但合併咗會喺點大家都唔係好知，可能更加衰都未定，近排大粒同二粒越俾越多野我做但時間我就係得咁多，大粒前兩個月仲夠膽死話我 "not working hard enough",  真係 bear 一聲，勁谷氣。

Potential 公司聽落去好似幾好咁，好肯 invest 落d員工身上，呢一方面係我而家呢間公司無得比既地方，potential 公司又有 benefit, 雖則話合併左之後我都會有，但始終，我受夠了。雖然我知道，同好友相比，我己經超幸福，因為公司人際關係簡單，我哋既 common enemy 就係大粒，冇人會奉承佢。但係真係時候轉吓個大運。加上呢半年以來，每當公司d野真係多到超肺既時候，我既胃痛情形越多越嚴重，需要到我放定胃藥喺公司，真係好唔健康，當然，可能新既公司都係一樣，可能仲衰，但踏一雙腳出去試吓水先囉，唔啱咪再轉囉。

另一樣好困擾既係屋肥咁死遠，以我近排返教會既密度黎計，一個喺東一個喺西，一定趕唔切。究竟呢個係上帝既安排，還是魔鬼既詭計？

聽日就出發去旅行lu, 好興奮，一如以往，每次放假之前梗係做到你扒街為止，今次都唔例外，但今次我就真係做唔哂d野，因為星期一同星期三既上晝都去咗面試，哈哈，真係搏炒！