All I Can Eat

老了老了呀，去任食也食不了多少。

其實也有一排無去任食了，對上一次係去韓燒。去完我自己都覺得唔抵。

但更奇的是，同我一齊去的幾位年輕人（十來歲那種年輕），也不比我吃得多，更覺唔抵，我諗住我食得唔多，佢哋可以搭救吖嘛，點知仲衰。

尋日去同詹占食瑞士燒雞（因為有 gift card），加埋小Ｊ三條友，一個 quarter chicken meal 加一個三文治 meal 再加一個 appetizer 咁都食唔哂。我仲要係入去既時候超肚餓的。好在無叫兒童餐唧，如果唔係蝕鬼哂。

雖然係咁，但我成日都心思思想去食日本任食啊。小Ｊ的未來契媽年輕同埋都好擦得，等我下次捉埋佢去食先得。不過要有排等喲，呢排小Ｊ好似厭倦壽司，上次詹占同佢出去，佢冇乜點食；上上次我哋三個出去，小Ｊ又係冇乜點食...