Old and New Friends

Last night 為左小笨同啞麗賤行，出左去食韓國野．嘩！什麼時候小笨變左咁大食？一個人搞掂左成兜石頭飯．佩服．

啞麗好搞笑，正當大部份既人都擔心衰老同變樣衰 (or 變得比以前更樣衰)，佢就一心一意咁令自己睇落去成熟ｄ，為左未來既工作而要咁樣犠牲色相，真係 dedicated.

見到畢左業之後，唔係，應該係佢去左 PEY 之後都冇見過既愛蓮同學，其實之前同佢都冇講過十句野，但佢原來好好人咁架喎．真係想講 Nice to meet you 囉．佢知道我個名架喎，真係奇，honestly, 如果我喺街度撞到佢，我真係會叫唔出佢個名．

講番好多從前大同既近況，嘩，真係十個之中有八個 continue education, 我就係其中既第九或第十個囉．突然間覺得自己好比唔上呢ｄ master 呀，PhD呀，又或者係已經讀完第二個 degree 既朋友．我係咪頽咗ｄ呢？

仲有人呀，計劃生仔，I mean, 我哋都一把年齡，有朋友生仔其實都好正常，但令我覺得奇怪既係，"如一切順利的話，我今年年底個懷孕"，咁樣既答案真係好得意，第一，乜原來ｄ人真係 plan 得咁 detail；第二，嘩如果你到年底都未有，我係咪應該懷疑你哋 at least 一個人既生理有ｄ問題，所以仲未有得生住呢？；第三，咁積極咁做人，令我幻想你地一日無野做就喺屋企好努力咁做人，哎呀，雖然未到有 mental picture 咁核突，但都難免覺得太多 detail, EW.

另一個人呀，不知所謂，平時例遲都忍佢啦，呢排就更加係飛機大王，雖然唔算得真係放飛機，因為唔係粒聲唔出咁唔出現，但都唔好得幾多．講埋好多好多既藉口，要人家等佢幾個鐘，跟住既結果好大可能都係唔出現，跟本就係搵笨，可能仲衰過放飛機，放飛機 at least 唔會等佢幾個鐘．唔出黎咪唔出黎囉，冇人迫你，點解係要咁扭拎？
不禁令我懷疑佢跟本就係無心出黎架啦，上次珍姐返黎，兩次都無出現，仲要白痴樣衰到俾人撞拍拖，所以唔出現．我不嬲都幾鄙視有異性冇人性既人，上次既出現，當然又係遲到，以佢呢排既記錄，我懷疑如果唔係要攞酒，跟本都未必會出現．

第一慢咁呀，咁大個地方，都冇一個 bike rack，連兜埋過隔離個 plaza 都冇，離譜，真係想打電話去 city 度投訴．仲累我洒哂ｄ時間喺度兜位搞到遲左兩分鐘到．
其實平時都冇所謂，泊燈柱咁泊燈柱囉，但整鬼尋日落雨，所以先想搵個有半個瓦遮頭既位泊，最後架車當然係濕哂啦．唉．>_<

慢咁果然係慢咁，係真正既 suburb. 一ｄ都唔鼓勵居民環保，transit 係 shit 不突只，又唔 encourage ppl ride bicycle, 咁者係想點，人人每人一架車好唔好？連 hwy 7 咁近市中心既地方都冇單車位，慢咁邊邊既新區，就更加唔駛諗．