實在太太太太太太開心喇，因為今次終於都冇 "金句＋應用" 呢個方程式，又冇講 "唔該你哋儲埋d掌聲先一齊拍" 呢句。單單係因為冇咗呢兩樣野，我已經覺得值回票價。
呢個 show 同之前既比有好有唔好，說實話，我其實覺得今次子華個 show 既笑位係真係少咗，而狂搞笑既笑位亦都少咗，但我真係好 appreciate 佢既笑點，而且 as always, 配合到個 show name （未令受到既朋友，買隻DVD再睇多次去明白一下啦）。
我鐘意既係佢利用幾多歷史同文化既野去諷刺一d時事同現時既人，我未去睇之前，聽到朋友個家姐喺香港睇完之後話，"睇佢個 show 不如睇絕代商驕", 我以為個 show 會好不滯；又聽到好多人話今次林海瘋正過子華，我都有少少擔心。
但睇完子華之後，我諗，會唔會係e家呢個時代既人無乜文化，聽唔明呢d歷史冋文化所以 get 唔到個 point. 我一向都覺得林海瘋係廢話多過笑話既人，可能佢講既係會好笑，但只係d好膚淺既笑話。我唔係想話我自己好有文化，其實我真係一d都唔算得有文化，但就係連我都覺得林海瘋無聊，你話真係幾咁無聊吖？
唔好意思，但我真係覺得而家好多人真係好唔掂，尤其是新既一代，唔知係多人多呢度d新移民同竹昇係咁丫，又或者係我既 sample size 太細啦，我實在遇到太多 "懶醒" 既年青人，佢哋關心既野只係手機，ipod, 打機，錢，女，仔，等等，實在令人討厭。係場館度更加見到好多拖住女友，懶型懶朝戚既男仔，佢哋入去，無非都係想笑埋d無聊野啫。
一直以黎我都係覺得子華有深度先鐘意佢啫，唔通真係貪佢靚仔咩，子華，加油呀，唔好改變你既風格呀！你永遠都會有欣賞你既觀眾架！（就係我嘞！hahahaha...）
餐蛋麵嗰度真係好有同感，我真係識得有人喺fb度就一日到黑 post d 咁既相上去，又唔係好 artistic 咁影得靚喎，唔知佢想點。
有讚當然有彈，我覺得今次轉 topic 既連接位無以前做得咁好，基本上，根本就係冇做到轉接，佢淨係靠飲水嗰吓去做轉接，雖然都過得去啦，因為對住我哋呢一代全部患有 attention deficit 同短期記憶衰退既現代人黎講，你去飲一飲水，我哋歡呼一下，然後我哋都唔記得哂你之前講緊既係乜啦，根本就唔需要做轉接。但無咗一個欣賞佢嗰種天依無縫，轉咗 topic 都唔覺既功力既機會，我覺得好似少緊d野。
服裝及造型方面，我個人比較喜歡今次，上次的白髮真是有點難受，今次上半場嗰套衫幾好睇吖，唔知佢係唔係扮 pirate?? Johnny Depp + 黃子華，無得頂既合體！哈哈！下半場嗰套就一般啦。其實，我比較 prefer 唔著奇怪衫，唔整奇怪 look 既子華，那本來就是棟篤笑的本質嘛。一個人，一支咪，已經足夠。I like you, just as you are. (BJ Diary :P)
我又覺得好似唱歌唱得多咗，間唔中唱吓一兩首，又唱到有陳醫生浮誇咁勁既假音都幾過癮，但真係好似唱得多咗d，尤其是阿姐嗰首，好長。最後既 rap 都係一般，大概子華想人知佢什麼類型既歌可以唱吧。
完 show 後，當然又去等一等佢，等咗好耐，等到就黎結冰佢先出黎，嘩，真係瘦得好緊要呀，真係會令人相信佢患惡疾喎！同埋勁憔悴喎。咁我即刻請佢簽名啦，可能我太細聲同埋佢勁多食蕉呀保母呀咁既人圍住佢佢聽我唔到，吓咗一次，我又要再講多一次，我勁心急啦，嗰d人喺咁擁佢上車，佢吓多我幾次佢就走喇。Anyway, 好彩都簽咗。
佢簽既時候我當然係爭取機會講野啦，但喺好緊張加上混亂（因為d人係咁擁佢上車）既情況下，我講左一句表達唔到我意思既野，我想再解釋既時候，唔知佢又聽我唔到定係聽我唔明，佢好敷𧗠咁應我，好傷心！嗚嗚... >_<
我對手勁多野攞丫嘛，又攞筆，又攞月曆，又攞 DVD, 子華無啦啦伸手出黎同我握手，我咁多嘢囉，本來都無諗住握手既，但佢伸到黎，咁我唯有好勉強咁同佢握啦（其實係好 lur 飯應！哈！），佢仲一路握一路講 thank you。之後我即刻又攞相機出黎問影相啦，點知佢身邊既一個大嬸就係咁話，"唔影喇，好攰呀，唔影喇。"一個阻頭阻勢既大嬸，子華都未講乜，你就出場從中作梗，氣憤！
我都明白，明星唔想得失d粉絲，呢d嘢唔講出口，唯有搵身邊d保母呀，食蕉呀，大嬸呀咁代佢講黎打發d粉絲，但我都不由得不將我既憤怒投向大嬸（其實呢位大嬸究竟係何方神聖？好似唔夠老做佢阿媽，肯定唔係佢女友，又唔係食蕉，究竟係乜水？實在百思不得其解），不過算啦，我唔係嗰d面皮厚過犀牛皮既粉絲，我係唔會死纏爛打咁樣臭既。咁我唯有同子華講 "Take care!"，佢又同我講番 thank you，可能係多謝我咁順攤無咁煩。其實，佢個樣真係憔悴得嚇人，同台上係兩回事，唔知真係咁攰定係另一打發粉絲既手段，我都唔知我 prefer 佢係真係成個病樣咁可憐定係佢咁可惡扮嘢黎打發我，我唔希望佢真係有惡疾，但我又唔想佢係卑鄙之人。um... 好難選擇...
唔知佢同我握手係咪明知我無得影相而俾我既安慰奬呢？可能佢認得我呢個 "多人多嗰個無朋友，次次都得佢一條友等我既粉絲" ，唔係認得我個樣，只係記得多人多有個咁既某李咁白痴。雖然可能認為我係一個某李，但如果佢真係記得喺多人多有這麼的一個某李，我都會好開心。
同時我又覺得佢身邊既某一個食蕉好屎煩，你係食蕉之嘛，好似以為自己係 CIA 咁，eat banana la, 又唔係大隻，梳到個頭懶哂型咁款，又以為自己真係好有 authority, 超難頂。 eat banana is ur job title, so go eat some more. wakakakakaka...
子華保重，小心身體！
Posts
No comments:
Post a Comment