一位年青人

認識了一位年青人，是年青到連考車牌既歲數都未夠．為人很不長進，三分鐘熱度，叫佢做Ａ，佢做唔夠半個鐘，就話好悶，唔再做，自己唔做都不突只，你唔做，你坐埋一邊，我都費事理你，但佢仲要騷擾其他人．好嘞，跟住夠鐘要走嘞，佢又話想留底繼續做．你話火唔火滾？

佢平時乜都唔做，興趣是掛網追明星，鐘意挨挨崩崩，黏身黏勢（hrm… 講講吓，呢個人有ｄ似年輕版既小妹）．咁由於佢乜都無做過，咁人哋同佢傾偈，問佢呢排搞乜咁佢就話完全入唔到題，再唔係呢就講其他人既是非．

又鐘意怨呢怨路喎，羨慕其他同年齡既朋友做呢樣做嗰樣，咁我諗住鼓勵吓佢都搵吓ｄ興趣同理想，為咗自己既將來都努力一下，但佢一係就話做嗰ｄ嘢賺唔到錢，一係就話佢阿媽唔會俾佢做；一係就話佢而家先咁大個先開始，比同齡既爱細細個就開始太遲起步，所以開始都無用；再唔係呢就話，就算佢阿媽俾佢做佢都唔要受佢既恩惠．咁你即係想點？冇機會你又話冇機會，有機會你又唔會去把握去珍惜，咁你就唔好怨天怨地話自己無用，難道你真係認為咁樣怨阿怨阿．乜都唔做，個天會無啦啦跌ｄ正嘢落黎俾你？

成日講埋 or 做埋ｄ低俗當有趣既野，我唔知佢真係覺得好有趣定係只係想吸引人既注意．鐘意既野除咗明星之外，就係錢，唉，錢係重要，但有好多其他嘢更重要嘛，咁細個就咁 materialized, 幾時先得到大？其實唔只係佢，好多同佢年紀差唔多甚至比佢細既小朋友都好貪錢，好想不勞而鑊，所以都好埋哂ｄ炒股票啦，賭馬賭波，買 lottery之類既活動．

當然，in this consumerism society, 鼓吹既都係物質既擁有，好難完全怪哂ｄ小朋友．而且佢家長唔好好教育佢不突只，仲直情做埋不良榜樣：講粗口，貪小便宜，鼓勵孩子放棄理想，專攻搵錢既課目．

不勞而鑊，honestly 邊個唔想？我都好想，但我仍然會腳踏實地咁去做牛仔．

做家長既，生咗出黎唔教，咁你就唔好生啦！簡直係危害社會！

唔講家長唔講年輕人，同我咁上下既，有ｄ搵緊男友，有ｄ摶緊命搵錢．摶緊命搵錢既唔洗講啦，搵緊男友嗰ｄ，有好幾個既首要條件係個男既要有錢，要養得起佢，無錢﹠無前途的一概不考慮。又認識一對夫婦，一家分離兩地，男的不是在艱難大找不到工架喎，但就是放棄唔到香港的高薪厚職，結果又是苦了孩子，缺乏照顧，要是將來真的學壞了（現在還算不壞，但就是羣埋的不太良好既青年，真的令人擔心），怪得誰？不過當然，可能那人根本就不關心孩子壞還是好... 唉，那些兩口子一起挨的情操都去了那𥚃？大人都係咁，第日教出黎d細路又點會好呢？

離了題，講返本來嗰位年青人，我都想幫佢，但有時真係好令人火滾，我本身就不是有耐性有愛心嗰種人，我想幫佢但都要佢想幫自己先得架，我最多都是能夠鼓勵一下佢，難道要我監佢讀書不成？佢話大唔大，話細唔細，基本上已經到咗佢唔 likey 你，可以當你發 up 風既地步，我除咗好言相勸，真係唔知仲可以做d乜。

其實係上帝要我幫呢個人，定係上帝想藉著呢個人去挑戰我既耐心同愛心呢？我諗，兩樣都有d卦！？