討厭的孩子

上次講完一個年青人，今次講吓一個小朋友，係得幾歲既小朋友，真的很討厭他．

懶高竇的一個孩子，你同佢講嘢呢，佢唔會睬你，扮哂嘢當聽唔到咁；你唔同佢講嘢呢，佢悶得滯就會撩你講嘢．

你同佢玩呢，如果你嬴佢，佢一係就即刻又變同完形，唔同你玩不突只，仲要完全唔 so 你，seriously 想大把大把咁星死佢．再唔係呢，佢就會 cheat 去嬴，佢 cheat 呢又cheat得毫無技巧架喎，白痴既都睇得見佢 cheat，仲要嬴咗之後仲要懶醒咁話嬴咗，又話我渣呀之類咁既嘢，咁我就會好唔抵得咁話佢 cheat, 然後佢就死唔認，如果你繼續話佢呢，佢又發爛，又會粒聲唔出，pat 低ｄ嘢就走咗去．

好低Ｂ，你唔玩咪唔好玩囉，我都唔係好想同你玩，但唔該你執番好ｄ嘢先好走囉，我同你玩，根本上就係 babysit, 家下我係你工人牙？同你玩完仲要幫你執嘢，你去食蕉蕉啦！反正ｄ玩具都係佢帶黎既，下次我就一於唔同你執，咁你又咪唔好執囉，唔執你咪拎唔番返屋企囉，到時睇吓係你執定我執？

佢屋企係傳統家庭，重男輕女，仔就得佢一個，喺屋企仲唔係霸王咩！至鬼憎ｄ寵壞哂既細路，我就係要好似Dor Dor大家姐咁鋤吓佢ｄ銳氣先得！muhahahahaha…