買哂

終於都買哂今次返香港同去台灣既雞票，仲有成兩個幾月先出發但已經好興奮咯！

本來舊年都已經要返香港架嘞，但由於突然破產既關係，最後都返唔成。今次又係一早就話要返，但講咗好耐，我都未買雞票，雖然一早已經同舊老細請咗假，但一日未買雞票，一日都未落實。後尾仲話要轉工添，更加覺得個 plan 可能要泡湯。

但一早 interview 嗰時已經話明我十月要請三個星期返香港，波波佬（我個未來老細）話唔係問題，到佢哋真係話要請我既時候，我都不嫌氣咁再問波波佬一次係咪真係十月請三個星期假ok（我願意請無薪假期），波波佬都好爽快咁話ok，所以我接份工都接得安心，亦都即刻開始搵雞票，因為詹占要早返艱難大，所以 book 嘢都好煩。再加上去台嗰一程我哋係用飛行里數去換，又驚會換唔到，不過一切都順利，全部雞票都 book 好 lu.

好想快d出發喲，好掛住香港既朋友仔呀，好掛住我d表弟表妹呀！

PS.小笨實在太了解我喇，好邪！ XD