人情冷暖

喺舊公司自從話咗要走之後，我無好似八婆咁響公司主動四圍話俾人知，主要同咗兩位老細講之後，就係同好多時一齊做嘢既荷大姐同阿麗莎講，但公司入面係好多人好八既，消息好快就傳開，跟住就大月d平時唔太熟既人走過黎同我傾偈。

我喺公司坐嗰個角落，係好死角吓既，唔係突登既話係唔會去到我個位度既，咁呢d人即係突登走過黎架啦。咁係呢d突登走過黎既人之中，分開兩類：第一，係真係見你走嘞，過黎同你講兩句既人，I don't mind this type of person；第二，係聽聞到我要走去大公司，突然間同你好似好熟既人，呢d人過黎既原因係攞 connection, 其中兩個人好明顯咁暗示話自已其實都想過檔，如果第日我喺嗰邊有好路數記住單聲佢。對住呢d人我真係唔想哂口水同佢吹水，平時又唔見同我傾偈，而家就想過黎搵著數，睬你都 sap 戇喎，至憎呢d人。

呢d第二類既人之中呢，我發現佢哋同你懶熟既語句係，"Between you and me, ...", 懶係同你講秘密咁，呢個 phrase, 我喺上兩個星期聽咗唔少，喺公司咁耐以黎，除咗荷大姐同阿麗莎會同我講d between us 既嘢之外（通常都係投訴上司既嘢），一直都無人同我講秘密。唔好話係秘密，連 gossip 都無人會同我講，可能因為我聽 gossip 通常都無乜太大反應，而我又無第二d gossip 同人分享，所以同我講 gossip 其實係幾無癮吓，anyway, 咁依家要走，就突然間有d人走過黎同我盡訴心中情，我真係受寵若驚喎。

一時之間，我突然覺得自已好受歡迎，真係體驗到人情冷暖。你有著數既時候，d人真係會黏埋黎，小小既離去，我都未走，已經上到人生既一課。一直都覺得自已好 blessed, 因為公司既架構好簡單，所以同事之間都無乜衝突，而家去大公司，可能更多辨公室政治，看來還有更多人生經驗去體會喲，希望不會搞到我就好喇，I don't want to be part of it.