人在心不在

某同事成日都唔帶飯，遇然會叫我同佢出去食。

er… 其實唔係好想同佢出去囉，第一，我想慳錢；第二，更重要的是，出到去，佢就成日喺咁拎住部手機按按按，有時無 message 要覆佢可以喺度打機。妖，去死啦，咁你自己一條友出去食咪得囉，有手機陪你咪得囉，叫我出去做乜？

其實唔止係佢，其他的朋友有Ｄ都係咁，以前的就是會係咁猛 flip Ｄ無聊 magazine, 而家的就是玩手機，再唔係就係望住個電視發呆。好討厭。

亦都好討厭差唔多每間食肆而家都裝上唔止一個既電視，想搵個睇唔到電視既角落 is almost impossible. 明明無電視係唔會死架喎，但一有呢，Ｄ人對眼同個靈魂就好似不受控制咁被攝咗入去。

當然，電視有佢既好處，當你同一個你唔係好想同佢講嘢又或者冇乜嘢講既人出去，咁咪打正牌唔駛講嘢，唔使搵話題，又唔怕 dead air 囉。

咁係咪啫係話我就係嗰個人家唔想同佢講嘢既人？！

Then again, 妖！咁你唔好搵我出去啦。