開心到跳舞

小朋友真係好可愛，可以為很小的事而爆高興的。（當然，也會為超小的事而哭個死去活來）

話說有一天跟小Ｊ說我們出街去餐廳食飯，小Ｊ聽完超興奮，係興奮到在家中跑來跑去，好像不知道如何處理佢既興奮的狀態。

（其實都唔知點解佢會咁high，不時一個星期大概都會有一餐出街食的。）

但由於我同詹占其實還未 ready 出門，又要執ｄ片呀，口水肩呀，奶呀之頪的，於是由向小Ｊ宣布＂喜事＂跟正式出門有一段小小的時間。咁小Ｊ跑完一兩個 round 之後，又開始怪叫，一路走來走去一路叫，之後又喺度 un 吓 un 吓跳舞，又唱歌（但唔知佢唱乜，佢有時會自己作Ｄ嘢出嚟唱，唔知係乜 language，可能係外星話）。

更奇的是小Ｊ會跟你說，＂We are going to restaurant＂。好像是他出的主意，怕你不知道，現在告訴你的模樣。笑死，明明是我告訴你的嘛。

見到佢興奮成咁咁，真係超搞笑，我同詹占望住佢都忍唔住爆笑。點解可以 high 得咁緊要？！

小朋友真的是很可愛很可愛，佢哋個腦真係唔知諗乜。同埋，對於佢哋嚟講，everything means the world to them.

真希望小Ｊ的童真可以不滅啦。