得閒死唔得閒病

又係投訴工作既時間，基本上係，投訴大粒既時間。

１大粒又應承d客一d impossible 既 deadline, 完全不理我哋呢d二打六既死活，你應承人嗰時可唔可以諗下個 deadline meet 唔 meet 到先得架，唔係架喎，乜野都話得，你就梗係得啦，都唔係你做。

２大粒 assign 左三個人"幫"我手．
一個係 office manger, 叫咗佢做既野，唔係佢唔想做，而係佢根本就係有其他既野做，唔會有時間做我俾佢既野，assign 左俾佢既野成個星期都剩係做得少少．
一個係一個顛婆，叫佢做野，如果係d雞毛蒜皮既小事呢，淨係解釋俾佢聽既時間我自己已經做完，大事又信唔係好過俾佢做，一係呢，就係被左佢做既野，佢每十零分鐘就走過黎問呢問路，阻住我做我要做既野，前日叫佢做一個figure出黎，做左成日都未做好，最後仲唔知點解save唔到個file d 野無哂，真係被佢吹脤。嗰個咁既figure，我半個鐘至一個鐘一定做得完，佢可以做足一日都做唔完。仲要呢，佢第二日再做好之後，我叫佢整得靚靚哋，要 presentable 先得，叫佢加個 legend, 加個 frame, 我再俾埋我之前做好既 template 俾佢，佢只要將佢做嗰d野加上去，再較番啱個位，執吓d外觀咁就搞掂。半個鐘之後，佢過黎交貨，可以淨係將佢做嗰d野加左上去，但個外觀完全冇執過，半個鐘喎，你淨係加左一樣野上去？？你玩牙？Seriously, 加佢嗰舊已經整好既野上去三十秒就夠啦，俾多你當你五分鐘已經係用蝸牛速度做既喇喎。最後就係要我幫佢做，佢企喺度睇，痴孖筋架。到底家下係佢幫我手，定我幫佢手呀？
第三個係新仔，連個 software 都未用過，又要我 spend time 去 train 佢．佢算係三個之中最幫得手既一個，但佢做完既野我要 check 過先得，有一樣野佢做完，我 randomly 咁 take sample 黎 check, check 到有問題，叫佢自己 check 吓，最交貨既時候我再 check 又 check 到有問題．唉，不過佢真係幫我手，唔係我幫佢手，雖然係慢ｄ同我要 check 佢，但 at least 都算做到野．
Anyway, 離左題，我最不滿既其實係大粒，因為佢成日話有三個人幫我手，我可以任用佢哋，所以我可以做得切，但其實，加埋都根本只係得一個半幫手，咪即係好多野都係我自己做...

３大粒話要一日開兩次短會 to keep track of our progress, 洗唔洗一日兩次咁多？仲要係呢，佢嗰ｄ所謂既短會其實唔係好短，至短都要大半個鐘．半日可以 report ｄ乜 progress 俾你呀？基本上係浪費時間，尤其是開會既時候成日都 reiterate 一ｄ已經講過幾次既野，一係就係講ｄ同我做嗰 part 無關係既野，明明已經唔夠時間做，仲要咁樣洒我時間，超廢．

不過老懷安慰既係個 project 今日終於都 sorta under control. 今日有望 ７點前走．(waiting for some scripts to run right now) 希望下個星期大粒唔好又有新既 "good idea" 要 implement咁就得嘞，不過大粒既野，真係唔知佢幾時又 change idea 但唔 change deadline.... >_<