You're Hired

Thanks to Pa, who gave me a link where I can watch the streamed tv series online.

I haven't watched any HK tv series for so many years now. 今次當然係為子華破戒啦．

其實我都幾鐘意李綺紅架，由佢一出道開始就已經幾 like 佢，後尾佢去左參加三項鐵人，就更加的佩服佢，所以今次呢套劇有佢份，可以算係一個 bonus.

蛇屍慢就不嬲都咁靚架啦，雖然我本身唔係特別鐘意佢，但都 ok 啦，但就係唔明點解香港拍劇怕電影，ｄ女仔就成日都好似街市ｄ師奶咁．我知，佢個角色係一個八婆丫嘛，但八婆都有好多種，點解香港拍親既永遠都係歇斯底里，成日都喺條街度大吵大鬧，成個顛婆咁？

我咁覺得係因為我對上一次睇既港產，好多人睇完都十分讚既十分愛，嗰女主角又係成日大聲好惡咁講嘢，巴喳到我耳膜爆裂．

咁即係香港拍嘢既手法低丫？定係香港真係多顛雞乸所以ｄ導演先咁拍出黎？

今次既劇種ok有趣，係講做生意，但唔係平時嗰ｄ名利明爭暗鬥，（我呢排咁啱對 consumerism 好多投訴，但下次有機會先講），雖然最後都應該走唔出子華同屍慢寃家變情人呢ｄ咁 standard 既毛線電視劇既框框，但我係唔會要求太高，而家有得睇我已經好開心． :]