Welcome

有看我相簿的都知道，我以前租屋的後園常常有 cardinal 出沒，現在搬了，就是很掛念美麗火紅的 cardinal 喇．而且我不是只愛 cardinal 的，其他如 finch 之類的我也愛．

於是在搬了屋之後一直都想買個 bird feeder, 但由於破了產的原故，遲遲未買，終於詹占喺我生日既時候送咗個bird feeder，一大包bird seeds 同一本雀仔書俾我．咁就將個feeder掛咗喺屋前既樹上，但可能cardinal屬害羞的鳥類，屋前又成日有人同車經過，所以只係吸引到ｄ麻雀仔．講起ｄ麻雀，佢哋好變態，由俾佢哋發現到我個bird feeder到ｄ野俾佢哋食哂前後唔夠兩日，仲俾我見到有隻食到超肥，好似就黎爆肚一樣．Anyway, 就係因為呢ｄ麻雀既狂食，我哋買咗一包專為cardinal而設的 seed. 但成個冬天都沒有cardinal．>_<

上個星期去 Home 地鋪為後園買 gardening 既嘢，咁我順便買左一碌杆，杆上有兩個釣，平時喺俾人放喺後園掛花的，我同詹占一直都話要買番一碌放喺後園掛bird feeder（因為我哋後園冇樹），咁就唔怕cardinal怕羞唔敢出黎；但又係因為＄＄既原故，一直都未買．今次反正去Home 地鋪都係大出血，咁就唔爭在買埋．

放咗幾日都水靜河飛，但今朝俾我見到喇！！

今朝喺房望出去，見到有少少紅紅啡啡的東西在bird feeder底下，但因為下大雨天色勁暗既關係，我都唔知嗰舊嘢是cardinal還是枯葉，就叫詹占也看看，佢起初都不肯定是不是cardinal，但後尾佢郁喇！在吃跌了在地上的 seeds，跟住我哋再仔細看看，原來仲有其他的雀在吃吃吃吃吃，我超興奮耶，cardinal終於都浦頭喇！

今朝下大兩，我又趕住返工，沒有去影相啦，下次拍了照跟大家分享吧！^o^