忽然不捨

Tomorrow 就係 last day lu, 其實今個星期都忙到抽筋，又要預備好哂手頭上既 project, 等接我手嗰個人唔駛咁慘；又要將我多年以來做一直 develop 同 admin 緊既 website 同一大堆 accumulate 埋既 knowledge pass on 被個 coop student；跟住有個本身唔係好關我事既 project 出咗問題，又拉埋我落水；要去 client 到 delivery 個 software, 點知個 coop 個 program 有 bug, 本來只係要去 client 度一次，仲要係一個鐘應該搞得掂，點知第一次去咗成四個鐘，之後仲要去多兩次；又要係走之前 migrate 好個 server。總之d嘢無啦啦排山倒海咁黎，Murphy's Law 真係冇錯。

一直都忙忙忙，都唔係好覺得自已就黎要走，直到尋日將某樣我負責咗成三年既嘢放手俾咗 coop, 嗰一刻，我要離去既感覺突然好實在。我由 interview 嗰時已經知道，新工係唔會再有 programming, 唔會再有 hardware, 呢個亦係我要走既其中一個原因，我唔係唔鐘意寫 program, in fact, 我其實幾 enjoy, 但我唔想到咗四廿歲都仲要同d後生一齊追 technology。但到咗真係知道 this is it, 以後都唔會再喺 professional 個層面上寫 program，要寫都會只係玩玩吓，亦唔會再掂 hardware，嗰一刻突然間好唔捨得，突然間㚥失落。

我知道我呢個 move, 主要都係為將來作打算，我真係唔係 major geek, 我唔可能成世寫 program, 我會被淘汱，但又真係有d唔捨得，亦都有d唔捨得某幾個一齊工作咗幾年，大家互相排放對上司不滿既怨氣既同事。

某程度上，我知道我既不捨某部份係由於要離開一個熟悉既環境走入未知之數，所以有d不安，但都決定咗咯，都要繼續行落去。而且我又唔係真係知道新既無依家咁好，只不過，要我放低我一直放咗好多心機同時間去 develop 既 system, 我以後都唔會再用，以後都唔會再掂嗰堆我熟到真係就黎爛既 code, 有點惘然。

有個同事同我講話我走咗，個 system 會 collapse, 又話佢哋信唔過個 coop 咁話，哈哈，多謝你咁睇得起我，要個 coop 同我比，係唔公平既比較，我喺度浸咗咁多年，我梗係好過佢啦，個 system 唔會有事既，你哋會平穏過渡既。

淡淡惘然既感覺持續...