Headphones

公司d老細成日都開住門咁同ｄ客傾電話，再唔係呢就係喺我後面既 conference room 開會，但係又唔閂門架喎，我隔離 cubicle 既占少又係多嘢講之人，同親ｄ人講電話就好耐都收唔到聲，，死咁大聲．我呢排既工作好多時候都係睇文件，佢哋咁嘈真係好大既騷擾，我星期二終於忍唔住，去咗未來商鋪買咗對至 cheap 至 cheap 既 headphone, 咁我喺公司就可以聽音樂，唔駛俾嘈音騷擾．

其實屋企唔係冇舊 headphone 架喎，但就係以前嗰ｄ舊嘢，左邊短右邊長，但個左面短到由個 laptop 到我個頭都唔夠長，有兩對舊 headphones 都係咁，激死．未來商鋪至 cheap 至 cheap 既 headphone 都要十二蚊加稅，有ｄ肉痛．

不過都買咗，喺公司試咗一輪，都 ok ，所以都算，但前兩日去艱難太大買嘢，發現原來佢哋有 headphone 賣，仲只係賣幾蚊，雖然無未來商鋪嗰ｄ個樣咁醒目，但我都係喺公司用之嘛，靚唔靚係無乜關係，而且係 JVC, 雖然唔係最 high class最受歡迎既牌子，但都算係牌子，質量應該都ｏｋ．

所以呢，就係覺得好唔抵，去錯地方買嘢．．．