男親女愛

前排聖誕無聊，突然間想睇番男親女愛，令到從未用過土豆網既我用起土豆來．

看著看著，覺得不如下載來做私人收藏，於是竟然開了個土豆 account. 不過唔知點解個土豆 software 全都亂碼了，不過幸好估吓估吓都用得到．

８-９年前既經典重看，surprisingly都仲覺得幾好睇，子華當然唔駛講我愛死佢（個人其實覺得佢嗰時既演技唔係唔好，但好似絶代商驕既時候好ｄ）；Do 姐ｄ演技真的不錯，其實成套嘢Do 姐才是主角；苑仔不用說啦，我其實一直都幾欣賞苑仔，但近年好似無咗聲氣咁，唔知係咪因為我唔喺香港所以唔知佢做過ｄ乜呢？同埋呢，佢成日都要演埋ｄ醜角，我其實有ｄ想知佢真人唔化妝個樣係點．

一百集，其中其實都有冷埸．我仲記得當年我睇既時候，I didn’t care too much about the 鄧見暈同小儀既plot, 而家重看，感覺仍是一樣，再加上佢哋兩個既演技真係唔係好得，如果唔子華會間唔中出吓現，嗰幾集我真係可以飛咗佢唔睇．

幾個星期斷斷續續咁睇，睇咗兩三個星期終於睇晒，嘻，搵日得閒睇埋舞台劇至得！^____^