老表，你好嘢！

竟然煲了這個。

雞本上，我黎咗多人多之後，除咗子華的劇以外，我都沒看劇，就連子華的奸人堅其實也沒看（是怎樣做人fan 屎的？well… 我是一個精明的fan屎，也是一個不盲目的 fan 屎，對奸人堅實在提不起興趣）。

上年返香港時又因為家人看的關係，睇咗少少一套唔記得叫乜名既劇，好似係一家乜乜乜咁，真係唔記得，但想講既係套嘢超白痴，做Ｄ嘢又超誇張，真係垃圾，對港劇的印象更加跌落谷底。

但唔知點解，我無啦啦有興趣睇老表。Well… 基本上係由於看了一個報導說網民讚黃光亮大叔勇救朱咪咪好man，我本身頗喜歡朱咪咪的，於是好想睇吓。

於是就三天煲咗成套劇（對，我上星期比較清閒，加上星期五大雪，無返工喺屋企煲咗大半日），ＯＫ喎，係有少少胡胡鬧鬧，但唔弱智，都幾 entertaining, 鬼妹好正，Ｄ中文超掂，唔睇樣真係聽唔出係鬼妹，我初初仲以為係中國人化妝戴假髮扮鬼妹。

可能好耐無睇劇既關係，我覺得Ｄ面孔很新鮮，王祖男這個名稱聽過，是福綠壽其中一個，所以一直都 associate him with 阮兆祥，頭頭睇老表既時候，只知道佢有份編，唔知佢有份演，發現原來佢就係老表既時候都幾 surprise 佢咁後生。

王菀之都聽過，仲聽過佢既歌，幾鐘意佢吧聲，但唔知原來眼係咁細！haha…I’m so mean. It’s not like I have big eyes. She’s actually quite cute,  I thought. 唱歌好聽，但Ｄ戲有待改進。

張繼聰，又係聽過佢既歌，但唔知個樣係點既人，另一 surprise.

黃光亮勇救朱咪咪真的是很英！大叔真的很棒，讚呀！

話時又話，朱咪咪保養得唔錯！Like!

不過，雖然套劇係叫老表你好嘢，但除咗頭幾集之外，之後既都多多少少淪為一般無線劇既情節，失咗開頭嗰個 momentum.

我亦唔覺得有扁底內地人既 feeling, 劇中既老表，不知多好人。

我覺得此劇有時間的話，不妨一看。

以下有少少 spoiler, 看者自付。

最後大結局嗰嘢笑咗，監獄風雲，好正，哈哈！我係喺網上睇套劇，見到有人問點解 ending 會有兩個黃光亮，哈，好明顯係小朋友。有返我咁上下年紀既，相信真係好少人會唔識監獄風雲，睇過監獄風雲既，好少會對傻標無印象，雖然黃光亮唔係主角，但結局咁搞，令佢好突出！睇到嗰度，真係好會心微笑，remind me of my childhood（暴露年紀添！）, not that my childhood was spent in jail, 但係唔知點講，睇到嗰度，真係覺得好正。