追巴士

點追？用單車追．

其實都唔可以算係追，應該係話鬥快先啱．

尋日早咗小小放工，突然心血來潮決定試一試一次過踩車返屋企．反正 rush hour 坐 TTC bus 一定有排坐，反正天氣咁好，睇下要踩幾耐都好．

由 Richmond Hill 既北面一直踩踩踩到多人多既 midtown, 我都覺得自己幾犀利 :]，我架車既 meter told me that I cycled for about 31km. 當然，唔係一口氣咁踩啦，好多時都要停紅綠燈．

講番同巴士既戰果先，我就去到我既巴士站既時候，啱啱有架巴士轉出黎，咁我就認住佢既車牌，冇耐我就被佢拋離，再加上我俾個燈位隔一隔，而架巴士又過得切個燈位之後，我已經見唔到佢既蹤影，但係唔緊要，我都無放棄到，好努力咁踩，因為我知道，佢去到 Sheppard 要入 subway 站，通常都有成起碼五分鐘先出返黎．就係我追上去既好時機．

就到 Sheppard 既時候，我離遠見到有架巴士出黎，我諗住，唉，佢咁快就出返黎，一定好快又將我拋離，但過咗 Sheppard 無幾耐，又有一架巴士追上我，係呢架喇！車牌577，原來之前見到嗰架係再前一班車，good. 但好境不常，我又係喺一個燈位度佢過到我過唔到，跟住又係無左影．

但之後一直到尾都無再俾巴士追到，即係話，我唔係輸得太多啦 (Don Mills 巴士 rush hour 都幾密），再加上，其實如果我想搭巴士既話，係趕唔切搭577, 因為我到未到站佢己經到左，所以某程度上我係嬴咗架啦，wahahahahahaha....

當然，好難講既，我咁啱追巴士尾就可以咁 argue 話自己嬴者，如果下一班巴士近ｄ既話，我好快就會俾佢追到啦．但用客觀既時間去計，尋日用左大約１小時３０分左右就返到，平時踩車加巴士要大約１小時４５分，咁真係快咗架喎．

但就唔可以日日係咁啦，我諗我對腳會斷，而且只可以回程先咁做，因為回程落斜比上斜多，所以先可以咁快，加上朝早巴士唔係太多人，都算好快就到，踩車我一定冇得同佢比．再而且，我尋日係狀態唔錯先可以咁啫，有時放工，個人好攰，都會踩得咁落力．

Don Mills 條路真係好爛，我每次都驚會爆軚．

踩足全程，呢樣野唔會日日做，但真係唔錯喎，又可以當訓練，又可以慳一程車費，又 avoid 咗我坐喺架巴士入面佢站站停令我勁忟既情況，一係一舉三得．
咁如果我間唔中都係咁做既話，metropass 真係買唔過，留番天氭轉涼我踩唔到咁長程既時候先買．

尋日朝早踩左２＋１４ｋｍ返工，放工３１ｋｍ，一共４７ｋｍ，勁！^o^