鼓癮

其實，小人在幾年前時學幾堂鼓的．

係以前一位隔離教會既教友教的．嗰時，大家已經住得唔係近，但後來佢搬得仲遠咗，我又搬得仲遠咗，嗰時既我，仲未有車，於是就無繼續落去．

其實一直，我都想再學番，我覺得，年紀唔係一個問題，況且我都係學黎自娛，唔係要做 professional, 有心唔怕遲．

但實在又有好多 factors 成為阻力．

１．時間．平時真係好忙，personal 既時間都唔係太多，尤其是 summer, 我怕我真係無時間去練，變相洒＄．
２．如果真係要學，學得幾個月，除非無諗住學落去，otherwise 就梗係買返套嘢先有得練．但係一來貴，二來無位擺．貴都唔係問題其實，我唔係真係俾唔起，at least 我而家係有入息人仕，要買，都會買得起，只係肉痛．但屋企真係無乜位擺喎．呢個先係大問題．
３．同以前那位教友收我起平，有時佢老婆仲煮埋飯俾我食，相對黎講，我覺得出面ｄ學費好貴．

錢，其實唔係最大既 factor．唔係話我好有＄，但如果真係想既話，唔唔係話 afford 唔到，加上我cool 牙嗰度已經供完，每個月少咗一個開支，嗰舊＄都應該夠我交學費．但係，我係咪真係有咁既時間？

其實除咗鼓之外，我都好想再學返結他（對，其實小人亦都略懂結他）．結他，我以前都斷斷續續咁學過一兩年，當年如果唔係放羊到艱難大，應該會繼續學落去．講吓講吓，我都學過唔少樂器：鋼琴，色士風，結他，鼓（牧童笛唔計）．無樣學得長，鋼琴算最長，但為咗游水，後尾完全無時間無辦法繼續落去，每日游完水，如果仲要練琴既話，除非唔駛瞓覺，如果唔係ｄ功課就真係唔駛做；色士風其實唔係真係我話想學既，係舊時學校迫人學樂器，爸媽為咗唔駛買樂器，就鼓勵咗我去學可以同學校借九萬幾個人用過既色士風；唔係話投訴父母，我覺得佢哋咁做完全正確，我嗰時其實已經想學結他，無奈學校無呢樣揀，反正都係梗硬學，不如慳＄ｄ．

雖然我知道自己資質有限，但我一直都係幾鐘意玩樂器既，once again, 我係為咗自娛，所以資質有限都無乜所謂．

認真的考慮中！