Jetlag

從未如此嚴重過．

返艱難大既第一晚，不知幾好瞓，可能係因為太攰,(基本上，由於喺飛雞上無瞓過，等於挨咗一晚通頂），所以一覺瞓到大天光．但係，第二日返工到咗下晝個腦簡直係停頓．

接住既呢兩晚，晚晚瞓到三點鐘就醒，跟住就瞓唔番，但到朝早六點幾它點差唔多要返工既時候又突然超眼瞓，但都要返工啦，仲有得瞓咩！結果呢，就係返工既時候勁辛苦，好難集中精神，行屍走肉咁呀！

又成日喺ｄ唔啱既時候黎勁肚餓喎，但到真係食飯既鐘數呢又無胃口，想點呀？唔好玩啦！

本來以為返工會迫自己習慣番ｄ時間，以前呢招一向好掂，但今次唔係好得，只係白白增加我既痛苦．唔駛返工既話，jetlag 最多咪係屋企攤屍，但喺公司要扮精神，屎忽又好似生瘡咁，坐唔得定，但喺公司又唔可以成日騰黎騰去，無精神又易做錯野，好大壓力...

幾時先 jetlag 完？我好辛苦！