新煮意

呢兩個星期 weekend  無午睡，多咗Ｄ時間玩煮飯仔。

大部份既都係我襯小Ｊ午睡時做一半，再等佢瞓醒幫手做埋剩底既一半，因為如果唔俾佢整佢有時會發爛。親力親為的孩子。

以下既都係我跟簡易食譜做的，小妹又 send 了另一個 blog 俾我，入面有好多食譜，很閒既時候我都想試試。

焗西米布甸

小Ｊ一聽到係布甸，以為係好似我之前同佢一齊整既芒果布甸一樣，勁興奮。哈，太笨了。

其實不太成功，因為我無加餡，有Ｄplain，同唔夠甜，小Ｊ第一天勁愛吃，第二天就說不喜歡，真難捉摸。

葱油餅

又係不太成功，覺得唔夠鬆軟，很麵包的。

這個弄了很久才做好，皆因小Ｊ幫手碌麵粉，佢碌得好認真的。

我個人覺得唔夠咸，下次會落多少少鹽，同埋下次會再碌扁 d。

港式蛋撻

這個以前整過一次，但原來已經係３年多前的事，早知整之前睇返以前個 entry 啦，因為個結果同上次差唔多－太甜...

這個小Ｊ有幫手倒蛋汁，蠻好的，基本上無倒到週圍都係，I was quite impressed by his patience and care.

小Ｊ超愛吃，第一日食完之後，我將剩底既收咗入盒，佢第二日放 daycare 一返到屋企，就走入廚房（準備煮飯），一入到去見唔到Ｄ撻就即刻問Ｄ撻去咗邊，驚死俾我食哂咁。要等我show 俾佢睇喺Ｄ盒入面，佢先放心。

基本上，以上三樣都唔算成功，全部都係得個樣，Ｄ味真係差咗Ｄ，我都係無乜煮既既天份，跟住 step-by-step instructions 煮都可以唔太好味，不過唔緊要啦，玩吓者，唔係煮俾其他人食，大小Ｊ無乜味蕾，乜都食得入口，佢哋做我既白老鼠啱哂。