慘不忍賭

本來無諗住睇巴西對德國，基本上之後所有的賽事既時間都唔係好啱，應該都唔會睇。

但尋日喺公司無乜嘢做，臨放工前諗住睇一陣都好啦，點知一開個視頻就見到德國入球，喂，好似啱啱開波咋喎！

跟住我都無乜為意，一邊做其他嘢一邊睇，點知唔夠一陣，德國又入波！唔係吓ＦＡ？！正當我仍然ＷＴＦ之際，又見到德國入波，快到我以為係重播番之前嗰球。

呆咗。我諗全世界睇緊既人都呆咗。

跟住唔夠十分鐘，又俾人入多兩粒，我完全唔敢相信自己既眼睛。

我聽人家同睇新聞講，知道巴西兩個主將一個傷出一個停賽，我都唔睇好佢哋會嬴，但都估唔到會但國家隊唔係淨係得佢兩個吓話？少兩個唔係差得咁離譜吓話，下下俾人鏟咗個波之後反搫，防守唔知做乜，亂七八糟咁。

最不滿既係俾 Klose 入到波，俾佢超越到肥仔朗，成為 all-time top scorer.

我覺得佢哋仲慘過西班牙俾人炒兩場。