Futon

終於都買咗喇！

由入伙 Day 1 開始就講話要買張 futon 放喺間細房仔度做客房，每次去 IKEA 都睇佢既 futon, 但就係唔啱心水．

平時如果我哋有一個人瞓得唔好，會落樓下瞓梳化，但其實張梳化喺詹占阿姨阿叔換梳化既時俾我哋，佢哋都唔知已經用咗幾多年，根住轉到我哋手都成四年半，其實已經坐得好辛苦，瞓成晚既話第二日都會腰酸背痛，加上我返香港既時候整親咗條腰，開頭都無乜太特別，但後來越黎越嚴重，最後發現原來喺我前排病，成日坐同瞓喺張梳化度，所以條腰越黎越衰，後尾我用一個星期盡量少用張梳化，條腰真係即刻好番好多；跟住我病完到詹占病，又瞓得唔好，所以令我哋 dick 起心肝去搵 futon, 上網睇咗好耐，最後我哋喺 downtown 搵到呢間

http://eastwestfutons.com/

價錢無疑係比 IKEA 貴，但係 quality 好，又可以 upgrade 床褥，又多 cover 揀．所以 finally 買咗 lu~~~~

This past Saturday 送貨黎，我哋砌好之後坐同瞓上去，真係好舒服！舒服到我哋兩個都唔願起身．仲舒服過我哋張床．雖然係貴，但我哋都覺得係一個值得既 purchase. 而且我哋都講咗年幾，絕對唔係一時衝動既決定．

可惜既係，我哋買咗嗰個 cover 既顏色，喺間 store 度睇既時候明明好好，但可能間房既燈光問題，隻色返到屋企完全唔同咗咁，所以我哋諗住去 refund, 要再揀過另一個 cover 先得．

真係好舒服，好想快ｄ有一晚瞓唔著等我有個藉口去瞓新 futon!! hehe…