Use Your Brain

有d人真係好煩，我 introduced 咗一個 online tools，正當我講解既時候（如果係一ｄ稍微有電腦常識既人，我係唔駛講解既，因為個 tool 真係簡單到不得了，黎黎去去得幾個 options, 得嗰幾個 buttons），ｄ人又唔聽嘢，已經話明講完點用，先至講點樣 login, 但就係咁問點先可以入到去，條 link 係乜，勁想打爆佢個頭．

好嘞，跟住 show 點樣 login 既時候，又講明話我會 email login 條 link 俾你哋，同埋 login id n password, 到我講緊 login n password 個 textbox 嘢既時候，仲可以係咁問點樣先去到嗰個 page, 條 link 係乜！大佬，你對耳仔要黎做乜架？我之前講嘢既時候你個腦做緊乜？佢明明係有聽架喎，明明企得最埋係佢，驚死睇唔到咁，但ｄ聲音聽咗入耳度完全到達唔到個腦部就 'fit’ 一聲出番哂黎．

最後講完呢樣嘢之後就繼續講第二ｄ嘢，所有嘢完哂之後，有個人攞咗個 laptop 出黎，跟住又會有人問，點樣去到你之前講嗰個網頁．都話會 email 俾你哋咯，係咪玩嘢呀？係咁問問問．其實，喺我 introduce 完之後，我已經即刻 send 咗 email, 已經做到完全無 delay 架啦，根本就係唔聽嘢．

然後又有人問如果想用個 tool for personal use 得唔得，我就話佢知你自己 sign up 個 account 就可以，跟住又問點 sign up, 咁我就指個 webpage 既 button，話你好似 sign up email address 咁就得架喇，但佢仲可以問，我唔識架喎呢ｄ嘢，即係點 sign up．好煩，我心諗，你 sign up 都唔識就唔好用個 tool 啦，你用番紙同筆咪算囉．我為免自己火山爆發，就淨係話咪同 sign up email 一樣囉，咩點用啫，跟住走開咗．

我走開咗，佢咪死死地氣自己 sign up 囉，根本就唔係唔識，根本就係諗都唔諗，張大個口就問問問，最好我幫佢 sign up 埋，幫佢入埋ｄdata 就最好．

跟住今日又有另一個人問我一個我尋日已經 cover 咗既 operation, 雖則話人家可能唔記得咗，又或者人家真係對電腦唔熟，但係個 tool 真係好簡單喎，真係得幾個 option 架咋喎．好勒，我都盡人事覆佢話佢知佢想 update 既係邊個 option, 但佢都仲可以回我話佢唔知個 option 係邊，我真係想爆炸，edit 嗰個 page 係得一版，可以 update 既 field 都係好明顯好簡單，例如:

Name: (Textbox)
Age: (ComboBox)
Country: (ComboBox)

(The above is only for illustration. There were about 10 fields in total I think.)

我都已經話埋，你想轉嗰個 field 係 Country, 佢都仲可以話唔知喺邊度，係咪白痴得咁緊要呀？定係又係嗰ｄ諗都唔諗，睇都唔睇就問問問嗰ｄ人呀？其實ｄ咁簡單既嘢，一開始根本就唔駛問人，你自己喺個電腦度o禁o禁吓，就會慢慢知道點用架啦．

我最後要 send 個 screenshot 俾佢，大佬呀，我唔係你哋既 personal IT support 呀，如果你哋唔知，我其實係要返工架．

不過我都慶幸佢無再覆我問點樣先可以去到 screenshot 嗰個 page, 如果真係咁問，我可能會爆血管...