皮蛋爆炸記

新年既時候朋友來我家打邊爐，有三大隻皮蛋剩咗喺我屋企，都唔知愛黎做乜好．對我黎講皮蛋既用途就只係煲皮蛋瘦肉粥，於是星期一就煲啦，點知到要開皮蛋既時候，我才驚覺原來我成世人都未開過皮蛋架，仲要係連睇都未睇過人開皮蛋．咸蛋都仲可以，話哂都見過人點開，但皮蛋真係未見過．

不過都冇辦法，ｄ蛋點都要食咗佢，咁就梗硬開蛋，點知就咁賴野，皮蛋ｄ皮飛到成枱成地都係，執死我．就係咁，我既第一次就奉獻咗俾嗰隻皮蛋．

引用我阿媽阿爸好鐘意講既一句話：
死唔死丫，咁大個人連皮蛋都唔識開！（藍色部份可因應場會填入適當語句）