基於唔想去咁遠既理由，去咗一間明知比平時買開外賣貴一點的港式茶餐廳買 lunch, 買咗午餐焗葡汁雞扒飯．
結果呢，那個所謂的葡汁除了是黃色之外，根本一ｄ葡汁味都無，基本上係乜味都無，都唔知係乜鬼汁黎架，好似係ｄ水加生粉整到佢"結結哋"然後加ｄ黃色素落去咁．又勁細碟喎，我呢排既胃口因為個胃被頂住同埋少做運動既關係，食量比之前細咗好多，一碟干炒牛河可以分兩餐食（認識我既人就知我不時食幾多嘢），但呢碟葡汁雞扒飯食完我仲好似唔係好飽咁，即係半碟干炒牛河都不如．
杯奶茶又細又無茶味．
把鬼！真正的貴夾唔飽，貴夾唔好食！
Posts
2 comments:
我都好中意食焗葡汁雞扒飯,富善間金源整得幾好味又唔貴,9點後仲有宵夜VERSION細D平D最FIT我!下次返香港你可以試呀^^
aiya... 番黎有太多嘢想食嘞!
其實我係好鐘意食中式焗飯/意粉,但詹占就覺得好奇怪,明明有正式既西餐,就鐘意食埋哂d"假西餐"...
Post a Comment